Galaxy Wearable സ്വകാര്യതാ അറിയിപ്പ്

അവസാനമായി അപ്‌ഡേറ്റ് ചെയ്തത്: 1 ഏപ്രിൽ 2020

കസ്‌റ്റമർമാർക്ക് സ്വകാര്യത എത്രത്തോളം പ്രധാനപ്പെട്ടതാണെന്ന് Samsung Electronics Co., Ltd.-ന് അറിയാം. നിങ്ങളുടെ വ്യക്തിഗത വിവരങ്ങൾ ഞങ്ങൾ എങ്ങനെയാണ് ശേഖരിക്കുകയും ഉപയോഗിക്കുകയും ചെയ്യുന്നതെന്ന് നിങ്ങൾ മനസ്സിലാക്കുന്നുവെന്ന് ഉറപ്പാക്കുന്നതിനാണ് ഞങ്ങൾ ഈ സ്വകാര്യതാ അറിയിപ്പ് സൃഷ്ടിച്ചിരിക്കുന്നത്. 

ഞങ്ങളുടെ സ്വകാര്യതാ നയം - https://account.samsung.com/membership/terms/privacypolicy എന്ന ലിങ്ക് വഴി കാണാൻ കഴിയുന്നതാണ് - നിങ്ങളുടെ Galaxy Wearable-ന്റെ ഉപയോഗത്തിനും ബാധകമാണ്. നിങ്ങളുടെ ഡാറ്റ ഞങ്ങൾ എങ്ങനെയാണ് ഉപയോഗിക്കുന്നത് എന്നതിനെ കുറിച്ചുള്ള കൂടുതൽ വിവരങ്ങൾ ഞങ്ങളുടെ സ്വകാര്യതാ നയത്തിൽ അടങ്ങിയിരിക്കുന്നു. ഞങ്ങളെ എങ്ങനെ ബന്ധപ്പെടാം എന്നതിനെ കുറിച്ചുള്ള വിവരങ്ങളും ഇതിൽ ഉൾപ്പെടുന്നു. ഈ സ്വകാര്യതാ അറിയിപ്പിന് പുറമേ, ഞങ്ങളുടെ സ്വകാര്യതാ നയവും വായിക്കുക. എന്നിരുന്നാലും, എല്ലായ്‌പ്പോഴും സ്വകാര്യതാ നയത്തെക്കാൾ മുൻഗണന ഈ സ്വകാര്യതാ അറിയിപ്പിനായിരിക്കും.

എന്തൊക്കെ വിവരങ്ങളാണ് ഞങ്ങൾ ശേഖരിക്കുന്നത്?

Galaxy Wearable സേവനത്തിലൂടെ, നിങ്ങളെ കുറിച്ചുള്ള വിവരങ്ങൾ വ്യത്യസ്ത വഴികളിലൂടെ ഞങ്ങൾ ശേഖരിക്കുകയും പരിപാലിക്കുകയും ചെയ്യുന്നു. 

നിങ്ങൾ നേരിട്ട് നൽകുന്ന വിവരങ്ങൾ

• നിങ്ങളുടെ Galaxy Wearable ഉപകരണത്തിൽ Samsung account-ലേക്ക് ലോഗ് ഇൻ ചെയ്യുമ്പോൾ, നിങ്ങളുടെ Samsung account ID പോലുള്ള Samsung account വിവരങ്ങൾ.

നിങ്ങളുടെ Galaxy Wearable ഉപയോഗത്തെ കുറിച്ചുള്ള വിവരങ്ങൾ

• ഉപകരണ തരം, ഉപകരണ മോഡൽ, OS തരം, പതിപ്പ്, ഉപകരണ ഐഡന്റിഫയറുകൾ മറ്റ് യുണീക് ഐഡന്റിഫയറുകൾ, മൊബൈൽ നെറ്റ്‌വർക്ക് ദാതാക്കൾ, ഉപകരണ കോൺഫിഗറേഷനുകൾ, ക്രമീകരണങ്ങൾ എന്നിവ പോലുള്ള നിങ്ങളുടെ ഉപകരണങ്ങളെ കുറിച്ചുള്ള വിവരങ്ങൾ;
• GPS, ബ്ലൂടൂത്ത്, WiFi സിഗ്നലുകൾ വഴി നിങ്ങളുടെ ലൊക്കേഷനുമായി ബന്ധപ്പെട്ട വിവരങ്ങൾ. നിങ്ങളുടെ Galaxy Wearable-ന്റെ ചില സവിശേഷതകൾക്ക് നിങ്ങളുടെ ഉപകരണത്തിന്റെ കൃത്യമായ ജിയോലൊക്കേഷൻ ശേഖരണം ആവശ്യമാണ്, അത്തരം സന്ദർഭങ്ങളിൽ നിങ്ങളുടെ ജിയോലൊക്കേഷൻ ഞങ്ങൾ ശേഖരിക്കും, എന്നാൽ നിങ്ങളുടെ അനുമതിയോടെ മാത്രമാണ് ഈ വിവരം ശേഖരിക്കുക. നിങ്ങളുടെ കൃത്യമായ ജിയോലൊക്കേഷൻ ശേഖരിക്കാൻ Galaxy Wearable സവിശേഷത ആവശ്യമായി വരുമ്പോൾ നിങ്ങളുടെ ഉപകരണം നിങ്ങൾക്ക് അറിയിപ്പ് നൽകും. നിങ്ങളുടെ കൃത്യമായ ജിയോലൊക്കേഷൻ ശേഖരിക്കാൻ Galaxy Wearable-നെ അനുവദിക്കുന്നില്ലെങ്കിൽ, Galaxy Wearable-ന്റെ എല്ലാ സവിശേഷതകളും നിങ്ങൾക്ക് ഉപയോഗിക്കാൻ കഴിഞ്ഞേക്കില്ല; 
• നിങ്ങളൊരു റിമോട്ട് കണക്ഷൻ സവിശേഷത ഉപയോഗിക്കുമ്പോൾ (ബ്ലൂടൂത്തിന് പകരമായി, Wi-Fi അല്ലെങ്കിൽ മൊബൈൽ ഡാറ്റയിലൂടെ നിങ്ങളുടെ മൊബൈൽ ഉപകരണം നിങ്ങളുടെ Galaxy Wearable ഉപകരണത്തിലേക്ക് ബന്ധിപ്പിക്കുന്നത് പോലുള്ളവ, ഇതുവഴി നിങ്ങളുടെ Galaxy Wearable-ന് നിങ്ങളുടെ ഫോണിൽ നിന്ന് സന്ദേശങ്ങൾ ലഭിക്കും); അറിയിപ്പുകളും സ്വീകരിച്ച സന്ദേശങ്ങളുടെയും ഇമെയിലുകളുടെയും ഉള്ളടക്കം (സന്ദേശങ്ങളുടെയും മീഡിയ ഫയലുകളുടെയും ഉള്ളടക്കം ഉൾപ്പെടെ) പോലെ, നിങ്ങളുടെ മൊബൈൽ ഉപകരണത്തിൽ ഇൻസ്റ്റാൾ ചെയ്തിട്ടുള്ള ആപ്പുകളെ കുറിച്ചുള്ള വിവരങ്ങൾ; ഒപ്പം 
• നിങ്ങൾ ബാക്കപ്പും പുനഃസ്ഥാപനവും സവിശേഷത ഉപയോഗിക്കുമ്പോൾ, സോഫ്‌റ്റ്‌വെയർ പതിപ്പ്, വിൽപ്പന കോഡ്, ഇൻസ്റ്റാൾ ചെയ്‌തിട്ടുള്ളതും സമീപകാലത്ത് ഉപയോഗിച്ചതുമായ ആപ്പുകളുടെ ലിസ്റ്റ്, ഇൻസ്റ്റാൾ ചെയ്ത ആപ്ലിക്കേഷനുകളുടെ ഡാറ്റയും ക്രമീകരണങ്ങളും, വാച്ച് പ്രതലം ഉൾപ്പെടെയുള്ള ഹോം സ്ക്രീൻ ക്രമീകരണങ്ങൾ, ആപ്പുകൾ, വിജറ്റുകൾ, അറിയിപ്പ് ക്രമീകരണങ്ങൾ, ഡിസ്പ്ലേയും ശബ്‌ദവും വൈബ്രേഷനും ഉൾപ്പെടെയുള്ള സിസ്റ്റം ക്രമീകരണങ്ങൾ.
• ഡയഗ്നോസ്റ്റിക്ക് ഡാറ്റ അയയ്ക്കുന്നതിന് നിങ്ങൾ സമ്മതിച്ചിട്ടുണ്ടെങ്കിൽ, ഡയഗ്നോസ്റ്റിക്, സാങ്കേതിക, പിശക്, ഉപയോഗ വിവരങ്ങളും നിങ്ങളുടെ Galaxy Wearable ഉപയോഗ സമയവും ദൈർഘ്യവും നിങ്ങൾ ഇൻസ്റ്റാൾ ചെയ്ത ആപ്പുകളും നിങ്ങൾ എത്ര സമയത്തേക്കും എപ്പോഴൊക്കെയുമാണ് ആപ്പുകൾ തുറക്കുകയോ അടയ്ക്കുകയോ ചെയ്‌തതെന്ന വിവരം.

നിങ്ങളെ കുറിച്ചും Galaxy Wearable-നെ കുറിച്ചും ആപ്പുകളെ കുറിച്ചും Galaxy Wearable-ലേക്ക് ബന്ധിപ്പിച്ചിരിക്കുന്ന ഉപകരണങ്ങളെ കുറിച്ചും ശേഖരിക്കുന്ന സമയത്ത് ഞങ്ങൾ നിങ്ങളോട് വിവരിക്കുന്ന രീതിയിൽ Galaxy Wearable-ന്റെ നിങ്ങളുടെ ഉപയോഗത്തെ കുറിച്ചുമുള്ള മറ്റ് വിവരങ്ങൾ ഞങ്ങൾ ശേഖരിച്ചേക്കും, ഇത് ആവശ്യമുള്ളപ്പോഴെല്ലാം നിങ്ങളോട് ഞങ്ങൾ സമ്മതം ചോദിക്കും.

നിങ്ങളുടെ വിവരങ്ങൾ ഞങ്ങൾ എങ്ങനെയാണ് ഉപയോഗിക്കുന്നത്?

• നിങ്ങളുടെ Galaxy Wearable-നായി രജിസ്റ്റർ ചെയ്യാനും അത് ഉപയോഗിക്കാനും സഹായിക്കുന്നതിന്. 
• നിങ്ങൾ അഭ്യർത്ഥിക്കുന്ന ഒരു സേവനങ്ങളോ സവിശേഷതകളോ നൽകുന്നതിന്. 
• നിങ്ങളുടെ അഭ്യർത്ഥനകളോടും ചോദ്യങ്ങളോടും പ്രതികരിക്കുന്നതും നിങ്ങളുടെ Galaxy Wearable-മായി ബന്ധപ്പെട്ട് സാങ്കേതിക പിന്തുണ അഭ്യർത്ഥിക്കുമ്പോൾ സഹായം നൽകുന്നതും ഉൾപ്പെടെ നിങ്ങളുടെ Galaxy Wearable-നെ കുറിച്ച് നിങ്ങളുമായി ആശയവിനിമയം നടത്തുന്നതിന്. 
• തിരഞ്ഞെടുത്ത Samsung അല്ലെങ്കിൽ മൂന്നാം കക്ഷി ആപ്പുകളും സേവനങ്ങളുമായി ഇന്റരാക്‌റ്റ് ചെയ്യുന്നതിന് നിങ്ങളെ അനുവദിക്കുന്നതിന്. ഉദാഹരണത്തിന്, നിങ്ങളുടെ ആപ്പുകളും സജ്ജീകരണ വിവരങ്ങളും Samsung Cloud-ലേക്ക് ബാക്കപ്പ് ചെയ്യാനോ Galaxy Wearable-ൽ Samsung Health ഉപയോഗിക്കാനോ നിങ്ങൾക്ക് കഴിഞ്ഞേക്കും.
• നിങ്ങളുടെ Galaxy Wearable-മായി ബന്ധപ്പെട്ട്, ഇഷ്ടാനുസൃതമാക്കിയ ഉള്ളടക്കവും സേവനങ്ങളും നൽകുന്നതിന്. 
• നിങ്ങൾ പ്രത്യേക സമ്മതം നൽകിയിട്ടുള്ളയിടത്ത് മാത്രം, നേരിട്ടുള്ള മാർക്കറ്റിംഗ് ആശയവിനിമയങ്ങളിലൂടെ (പുഷ് അറിയിപ്പുകൾ, ഇമെയിലുകൾ, ടെക്‌സ്റ്റ് സന്ദേശങ്ങൾ എന്നിവ വഴി) പ്രൊമോഷനുകളും ഓഫറുകളും നൽകുന്നതിന്.
• Galaxy Wearable-ഉം ഞങ്ങളുടെ ബിസിനസ്സും നടത്തുന്നതിനും വിലയിരുത്തുന്നതിനും മെച്ചപ്പെടുത്തുന്നതിനും (പുതിയ ഉൽപ്പന്നങ്ങൾ വികസിപ്പിക്കുന്നതും; ഞങ്ങളുടെ ഉൽപ്പന്നങ്ങളും സേവനങ്ങളും വിപുലമാക്കുന്നതിനും മെച്ചപ്പെടുത്തുന്നതിനും; ആശയവിനിമയങ്ങൾ മാനേജ് ചെയ്യുന്നതിനും; ഞങ്ങളുടെ ഉൽപ്പന്നങ്ങളും സേവനങ്ങളും കസ്റ്റമർ അടിത്തറയും വിശകലനം ചെയ്യുന്നതിനും; വിപണി ഗവേഷണം നടത്തുന്നതിനും; ഡാറ്റ വിശകലനം നിർവഹിക്കുന്നതിനും; അക്കൗണ്ടിംഗും ഓഡിറ്റിംഗും മറ്റ് ആന്തരിക പ്രവർത്തനങ്ങളും നിർവഹിക്കുന്നതിനും ഉൾപ്പെടെ).
• ഞങ്ങളുടെ ഉൽ‌പ്പന്നങ്ങളെയും സേവനങ്ങളെയും കുറിച്ച്, ആവശ്യമെങ്കിൽ, നിങ്ങളുടെ പ്രത്യേക സമ്മതത്തോടെ, നിങ്ങളുടെ അഭിപ്രായങ്ങൾ ചോദിക്കുന്നതിനും കസ്‌റ്റമർ സർവേകൾ‌ നടത്തുന്നതിനും.
• സോഫ്റ്റ്‌വെയർ അപ്‌ഡേറ്റുകളും മെയിന്റനൻസ് സേവനങ്ങളും നൽകുന്നതിനും നിങ്ങളുടെ Galaxy Wearable പിന്തുണയ്ക്കുന്നതിനും.
• തട്ടിപ്പ്, മറ്റ് ക്രിമിനൽ പ്രവർത്തനങ്ങൾ, ക്ലെയിമുകളും മറ്റ് ബാധ്യതകൾ എന്നിവയിൽ നിന്ന് പരിരക്ഷിക്കുന്നതിനും, അത്തരം കാര്യങ്ങൾ തിരിച്ചറിയുന്നതിനും, തടയുന്നതിനും.
• ബാധകമായ നിയമ ആവശ്യകതകൾ, ബന്ധപ്പെട്ട വ്യാവസായിക മാനദണ്ഡങ്ങൾ, ഈ സ്വകാര്യതാ അറിയിപ്പും സ്വകാര്യതാ നയവും ഉൾപ്പെടെ, ഞങ്ങളുടെ നയങ്ങൾ എന്നിവ പാലിക്കുന്നതിനും നടപ്പാക്കുന്നതിനും.

നിങ്ങളുടെ Galaxy Wearable മറ്റ് Samsung അല്ലെങ്കിൽ മൂന്നാം കക്ഷി ആപ്പുകൾ, സേവനങ്ങൾ, സവിശേഷതകൾ എന്നിവയിലേക്ക് ബന്ധിപ്പിക്കാനോ ഉപയോഗിക്കാനോ ഉള്ള ശേഷി നൽകിയേക്കാം. ഉദാഹരണത്തിന്, നിങ്ങളുടെ Galaxy Wearable ഉപകരണത്തിൽ നിങ്ങൾക്ക് Samsung Health അല്ലെങ്കിൽ Bixby Voice ഉപയോഗിക്കാനായേക്കാം. ഈ Samsung ആപ്പുകൾക്കും മൂന്നാം കക്ഷി ആപ്പുകൾക്കും സേവനങ്ങൾക്കും സവിശേഷതകൾക്കും സ്വന്തമായ സ്വകാര്യതാ അറിയിപ്പുകൾ ഉണ്ടായിരിക്കാം. അത്തരം സേവനങ്ങൾ നിങ്ങളുടെ വിവരങ്ങൾ പ്രോസസ്സ് ചെയ്യുന്ന രീതി നിങ്ങൾക്ക് മനസ്സിലാകുന്നുണ്ടെന്ന് ഉറപ്പാക്കാൻ അവ അവലോകനം ചെയ്യുക. ലിങ്ക് ചെയ്യപ്പെടുന്നതോ കാണിക്കുന്നതോ ആയ മറ്റേതൊരു ആപ്പോ സേവനമോ മറ്റ് സവിശേഷതയോ ഞങ്ങളുടെ ഉടമസ്ഥതയിലോ നിയന്ത്രണത്തിലോ ഇല്ലാത്തിടത്തോളം, അതിന്റെ ഉള്ളടക്കത്തിനോ ഉപയോഗത്തിനോ സ്വകാര്യതാ സമ്പ്രദായങ്ങൾക്കോ ഞങ്ങൾക്ക് ഉത്തരവാദിത്തമൊന്നും ഉണ്ടായിരിക്കുന്നതല്ല.

നിങ്ങളുടെ വിവരങ്ങൾ ഞങ്ങൾ ആരുമായാണ് പങ്കിടുക?

നിങ്ങളുടെ വിവരങ്ങൾ ഞങ്ങളുടെ ബിസിനസ്സിനകത്തും ഇനിപ്പറയുന്ന സ്ഥാപനങ്ങളുമായും ഞങ്ങൾ വെളിപ്പെടുത്തും, എന്നാൽ മുകളിൽ വിവരിച്ച ഉദ്ദേശ്യങ്ങൾക്കായി മാത്രമാണ് വെളിപ്പെടുത്തുക.
* അഫിലിയേറ്റുകൾ: ഞങ്ങളുടെ നിയന്ത്രണത്തിലോ ഉടമസ്ഥതയിലോ ഉള്ള മറ്റ് Samsung Electronics ഗ്രൂപ്പ് കമ്പനികൾ;
* സേവന ദാതാക്കൾ: ഞങ്ങൾക്ക് വേണ്ടിയോ ഞങ്ങളുടെ പേരിലോ സേവനങ്ങൾ നൽകുന്നതിന് ശ്രദ്ധാപൂർവം തിരഞ്ഞെടുക്കപ്പെട്ടിരിക്കുന്ന, ഞങ്ങളുടെ താൽപ്പര്യാർത്ഥം ഡാറ്റ പരിപാലിക്കുന്ന ഡാറ്റ സെർവറുകൾ പോലുള്ള കമ്പനികൾ. ഈ ദാതാക്കൾക്ക് നിങ്ങളുടെ വിവരങ്ങൾ പരിരക്ഷിക്കുന്നതിലും പ്രതിബദ്ധതയുണ്ട്;
* നിയമം ആവശ്യപ്പെടുമ്പോഴോ നിങ്ങളുടെ Galaxy Wearable പരിരക്ഷിക്കേണ്ടത് ആവശ്യമായി വരുമ്പോഴോ, മറ്റ് കക്ഷികൾ: ഉദാഹരണത്തിന്, നിയമമോ നിയമ പ്രക്രിയയോ സർക്കാർ അധികാരികളിൽ നിന്നുള്ള കോടതി ഉത്തരവോ നിഷ്ക്കർഷിക്കുന്ന പക്ഷം, നിങ്ങളുടെ വിവരങ്ങൾ വെളിപ്പെടുത്തുന്നത് അത്യാവശ്യമായി വന്നേക്കാം. നിയമ നിർവഹണം, രാജ്യ സുരക്ഷ, ഭീകര വിരുദ്ധത, അല്ലെങ്കിൽ പൊതു സുരക്ഷയുമായി ബന്ധപ്പെട്ട മറ്റ് പ്രശ്നങ്ങൾ എന്നിവയുടെ ഉദ്ദേശ്യങ്ങൾക്കായി അവർ ഞങ്ങളിൽ നിന്ന് വിവരങ്ങൾ തേടിയേക്കാം;
* കോർപ്പറേറ്റ് ഇടപാടുകളുമായി ബന്ധപ്പെട്ട് മറ്റ് കക്ഷികൾ: ഒരു ലയനത്തിന്റെയോ കൈമാറലിന്റെയോ ഭാഗമായോ, ഏറ്റെടുക്കലിന്റെയോ വിൽപ്പനയുടെയോ ഭാഗമായോ, കമ്പനി പാപ്പരായി പ്രഖ്യാപിക്കപ്പെടുന്ന സാഹചര്യത്തിലോ നിങ്ങളുടെ വിവരങ്ങൾ ഞങ്ങളൊരു മൂന്നാം കക്ഷിക്ക് വെളിപ്പെടുത്തിയേക്കാം; ഒപ്പം
* നിങ്ങളുടെ സമ്മതത്തോടെയോ നിങ്ങളുടെ നിർദ്ദേശ പ്രകാരമോ മറ്റ് കക്ഷികൾ: ഈ സ്വകാര്യതാ അറിയിപ്പിൽ വിവരിച്ചിട്ടുള്ള വെളിപ്പെടുത്തലുകൾ കൂടാതെ, നിങ്ങൾ സമ്മതിക്കുകയോ അത്തരമൊരു പങ്കിടൽ അഭ്യർത്ഥിക്കുകയോ ചെയ്യുമ്പോൾ, മൂന്നാം കക്ഷികളുമായി നിങ്ങളെ കുറിച്ചുള്ള വിവരങ്ങൾ ഞങ്ങൾ പങ്കിട്ടേക്കാം.

ഈ സ്വകാര്യതാ അറിയിപ്പിലേക്ക് വരുത്തുന്ന മാറ്റങ്ങൾ

നിങ്ങളുടെ Galaxy Wearable-നായി നിങ്ങളുടെ വിവരങ്ങൾ ഞങ്ങൾ ശേഖരിക്കുകയും പ്രോസസ്സ് ചെയ്യുകയും ചെയ്യുന്ന രീതിയിൽ വരുത്തുന്ന മാറ്റങ്ങളെ കുറിച്ചോ ബന്ധപ്പെട്ട നിയമങ്ങളിലും ചട്ടങ്ങളിലും വരുത്തുന്ന മാറ്റങ്ങളെ കുറിച്ചോ നിങ്ങളെ അറിയിക്കുന്നതിന് ഈ സ്വകാര്യതാ അറിയിപ്പ് അപ്‌ഡേറ്റ് ചെയ്യപ്പെട്ടേക്കാം. ഈ ഡോക്യുമെന്റ് അവസാനമായി അപ്‌ഡേറ്റ് ചെയ്‌ത തീയതി ഈ സ്വകാര്യതാ അറിയിപ്പിന്റെ മുകളിൽ കാണിച്ചിരിക്കുന്നു.

Version:P01.03.00